SHILLONG: Batanggimin sal somoirango salantian Meghalaya a·doko COVID man·e sianggiparang dongahaoba, sal 124-ni ja·man Meghalaya a·doko COVID man·e sigiparangni gimin knasona man·jaha.
Da·o dipet Meghalaya a·doko COVID man·e sianggiparang gimik sak 1329 gapengahachim indiba re·anggipa Robibar saloni Sombar salona konta 24-ni gisepode saksaba Meghalaya a·doko COVID man·e sigiparang dongskajaha.
Ia konta 24-ni gisepo Meghalaya a·dokni dingtang dingtang biaprango sak 123 manderang COVID-19 man·dapaha aro uandaken da·o a·doko COVID man·e dongenggiparang sak 2104 gapaha.
Da·o dipet Meghalaya a·doko COVID man·giparang gimik sak 77,144 gapaha aro ianoni gimik sak 73,711-de nampilskana man·aha.
