SHILLONG: Sukrobar salo Meghalaya Legislative Assembly-ni Autumn Session-ko a·bachengataha aro ia session-ko a·bachengatanio, batanggimin jadokni gisepo a·gilsakko watanggimin a·dokni sakgittam dilgiparang baksana gipin dilgiparangkoba gisik ra·e mande ra·pilskaaniko dakangaha.
Ia Autumn Session-ko a·bachengatanio, a·gilsakko watanggimin a·dokni sakgittam dilgiparang, chong·motan Mookaiaw-ni gitcham MLA Mihsalan Suchiang, Sohra-ni gitcham MLA Dr PW Khongjee aro Jaintia Hill Autonomous District Council (JHADC)-ni gitcham chief executive membor (CEM) Obil Kyndait baksana gipin dilgiparangnaba mande ra·pilskaaniko dakangaha.
Sianggimin dilgiparangna a·dokni Chief Minister Conrad K Sangma, kalimaniko aro mande ra·pilskaaniko dakangengon, ia dilgiparangni sianiara Meghalaya a·dok gimiknan dal·bea gimaani gita ong·aha ine parakataha.
Ia dilgiparangoni mitamranga gitcham Speaker-rang, gitcham Chief Minister-rang aro mitamranga a·dok aro ma·mong sorkario minister-rang ong·anggipa manderang ong·achim ineba Sangma aganaha.
A·dokni sakgittam dilgiparangna mande ra·pilskaaniko parakatengon, sianggimin dilgiparangni nokdangrangnaba ua an·tangni kalimpaaniko parakataha.
Sianggimin dilgiparangna, a·dokni Chief Minister Conrad Sangma baksana Opposition dolni dilgipa Dr Mukul Sangma, Assembly-ni Speaker Metbah Lyngdoh aro gipin MLA-rangba kalimpaaniko aro mande ra·pilskaanirangko dakangaha.
Autumn Session-ni skanggipa salo sianggimin dilgiparangko gisik ra·a
Date:
Share post:
