TURA: Sukrobar salo West Garo Hills a·jani police-rang, 120 Battalion CRPF-ni sipairang baksa nangrime sandienba, Tikrikilla Police Station-ni ning·o donggipa Menggotchigre song joloniko gopretna jakkalgipa bosturangko man·aha.
Koborko on·ani gitade, ia biaponiko police-rang, IED ge·gni baksana gipin gopretna jakkalgipa bosturangko a·ningo dape donako man·aha.
Ia bosturangko man·ani ja·mano BDDS dolni manderang, IED boma ge·gnikon niamo pangchake kimite galna man·aha aro iani bidingo police-rang, mokordoma ka·enba, am·sandianirangko dakna a·bachengataha ine u·iataha.
