SHILLONG: Congress-ni gisepo ning·joljol meli-grikjanirang ong·enga ingipa kattarang, re·ang-gipa somoio RG Lyngdoh, PN Syiem aro gipin sakgittamko rimchaksoa-niko dakanio parak ong·en ma·sina gita man·aha, jeon Congress dilgipa Dr. Mukul Sangma, tom·anio bak ra·pajaha ine nikna man·aha.
Re·baenggipa 2023 Assembly election-o Congress meliani donggen ba dongjagen una sing·anide bang·en donga ine Pa Sangma aganaha.
Indake nikatna man·a je Mendipathar MLA Marthon Sangma-na agrede, gital memborrangko Congress-ona rimchaksoani tom·anio, Garo Hills-ni darang Congress legislator-ba bakko ra·pajahachim.
Unomitingo, MPCC-ni working president Marthon Sangma-ba CLP dilgipa aro Garo Hills-ni gipin MLA-rangni tom·anio bak ra·gijani bidingo sing·genchimoba aganchakna gita jechakaha.
