SHILLONG: Batanggimin konta 24-ni gisepo Meghalaya a·doko sak 150 manderang COVID sabisi man·dapaha aro sak 167 manderang COVID-oni nampilskaaha. Unomitingo mijalni baksao saksa COVID-ni a·sel siangtaiaha, jean COVID tikka su·kujachim.
Mijal salni bako COVID man·dapgipa sak 150-ni, East Jaintia Hills-o sak 5, East Khasi Hills-o sak 66, Ri-Bhoio sak 26, South Garo Hills-o sak 1, South West Garo Hills-o sak 1, South West Khasi Hills-o sak 2, West Garo Hills-o sak 4, West Jaintia Hills-o sak 22, West Khasi Hills-o sak 23. East Garo Hills aro North Garo Hills-ode COVID man·dapgipa dongangjaha.
Mongolbar salni bako sak 167 manderang COVID-oni nampilaha, uamangoni East Garo Hills-o sak 2, East Khasi Hills-o sak 78, North Garo Hills-o sak 1, Ri-Bhoio sak 16, South Garo Hills-o sak 1, South West Garo Hills-o sak 2, West Garo Hills-o sak 12, West Jaintia Hills-o sak 45, West Khasi Hills-o sak 10. East Jaintia Hills aro South West Khasi Hills district damgniode sabisioni nampilgipa dongjaha.
Mijal salni bako Ri-Bhoi district-o saksa COVID-ni a·sel janggitangko gimaataha.
Meghalaya a·doko COVID man·gipa gimikde sak 79,817 gapangaha, uamangoni sak 76,558 manderang sabisioni nampilaha, sak 1,381 manderang sabisio siangaha aro sak 1,878 manderang COVID man·e dongengkua.
Meghalaya a·doko COVID man·gipa da·o sak 1878 dongengkua. Uamangoni, East Garo Hills-o sak 9, East Jaintia Hills-o sak 26, East Khasi Hills-o sak 846, North Garo Hills-o sak 7, Ri-Bhoio sak 169, South Garo Hills-o sak 3, South West Garo Hills-o sak 8, South West Khasi Hills-o sak 102, West Garo Hills-o sak 29, West Jaintia Hills-o sak 301, West Khasi Hills-o sak 378 dongengkua.
