SHILLONG: Nehru Yuva Kendra Shillong (NYKS), Pay For Right (PFR)Football Academy baksa melie Sonibar salo Pandit Deendayal Upadhyaya-ni atchiani salko gisik ra·anio Mega Fit India Run-ko ong·ataha.
Member of Development Council (MDC), KHADC Fantin Lakadong, Chief Guest ong·e tom·anio bak ra·e Shillong Malki-oni Fit India Run-ko flag-ko de·doe a·bachengataha.
Uandake Lakadong, NYKS aro PFR-ko, Fit India Run programme-ko ong·atani gimin de·mit-telaha. Aro gimikkon salanti janggi tanganio excercise ba be·en ranta ka·aniko ja·rikchina didiataha.
Pandemic-ni a·sel beben exercise ba be·en ranta ka·na gita chol man·-jahachim indiba da·ode obostrang namkalengjok uni gimin be·en-bimangko fit ong·e rakkina be·enko ranta ka·jringna nanga, ineba agandapaha.
NYKS Meghalaya-ni State Director, Atul J. Nikam, Deputy Director, NYKS, Shillong, D.Rapsang, PFR-ni president Franky Kharumnuid aro Football Coaches Rilang Mylliempdah aro Robin Nongrum -uamangba programme-o bak ra·angaha.