SHILLONG: India aro Bangladesh a·songni gisepo meli nangrimaniko rakkiangna aro a·song damgnini gisepo nangrimaniko bilakbatatna gita Sonibar salo, Meghalaya a·doko donggipa Border Security Force (BSF)-ni sipairang, India a·songo rim·a man·gipa Bangladesh a·songni me·a bi·sa saksako Border Guards Bangladesh (BGB)-na pakwate on·atpilaha.
Koborko on·ani gitade, ia me·a bi·sako re·anggipa September-ni 24 tariko, Bangladesh a·songni me·chikma saksa baksa India a·songona niam gri napsrukbaako Nongkhen-o donggipa 30 Bn BSF-ni sipairang rim·na man·ahachim.
Ia me·a bi·sara Naljuri songni bilsi 13 ong·gipa Tangir ong·achim aro ia me·a bi·sa baksana BSF-ni sipairang, Shantinagar songni bilsi 35 ong·gipa me·chikma saksakoba rim·na man·ahachim. Rim·ako man·gipa mande sakgnian Bangladesh a·songo donggipa Sylhet a·jaoni ong·achim.
Ia me·chikma aro me·a bi·sako India-Bangladesh sima gita India niam gri ma·manti bosturangko badingna gita re·bamiting somoio rim·sona man·ahachim. Ia me·a bi·sako BSF-ni sipairang, a·song damgnini gisepo meli nangrime donganiko rakkiangna gita Sonibar salon BGB-ni sipairang baksa tom·aniko ong·ate pakwate on·atpilaha indiba me·chikmakode, niamo pangchake ja·kurangko de·angchina gita BSF-ni sipairang, Baghmara police station-na pakwate on·atskaaha.
Indake ong·engon, India a·songona napsrukbaanio rim·ako man·gipa manderangara bi·sarangsa ong·genchimose uamangko pangnan BSF-ni sipairang, a·songtangona watpilatenga ine BSF Meghalaya Frontier-ni Inspector General Inderjit Singh Rana parakataha.
A·song damgnini gisepo nangrimaniko mesokna gita B’desh-ni bi·sa saksako BGB-na pakwatata
Date:
Share post:
