SHILLONG: BJP State President Ernest Mawrie, West Shillong constituency-oni Assembly election-o susana tarisoanio kamrangko a·bachengatgaha.
Mawrie, an·tangde gipin consituency-oni election-o susagen ingipa kattakode paraka dongkujaenga, indiba kobor man·soani gitade BJP state president, West Shillong contituency-oni susanaba donga, je biapon da·o Congress-ni MLA Mohendro Rapsang ong·enga.
Indake ong·engon Sonibar salo Mawrie, jolni party dilgiparang baksa Mawbah jolo cleaning drive-o ong·atao bak ra·angaha, uni gimin Mawrie, West Shillong constituency-oni susana haida tarisoengakon ine agantokenga.
Unbaksana BJP-ni dingtang dingtang wing aro frontal organisation-rangba constituency-o party-ko bilakatna kamko ka·enga.
