Sak 130 covid saa man·dapa, saksa sia

Shillong: Sonibar salo sak 130 covid sagiparangko man·dapaha aro saksa siangdapenba a·doko covid saa man·e sigipa chu·gimikde sak 1405 gapengjok. Uandake salsaon sak 238 covid sagiparang nampilskaha. Saa man·dapgipana baten saa nampilgiparang bataha. Uandake sianggipa East Khasi Hills-oni ong·a aro uan covid tikako su·gijagipa ong·achim. A·doko covid sae dongenggipa sak 1557 donga, saa nampilgipa chu·gimikde sak 78613 gapaha.  Indake ong·engon sak 130 covid saa man·dapgiparangara- East Garo Hills-ni sak 3, East Jaintia Hills -2, East Khasi Hills -84, North Garo Hills-1, Ri-Bhoi -9, South Garo Hills-0, South West Garo Hills-0, South West Khasi Hills -4, West Garo Hills-1, West Jaintia Hills -10, ari West Khasi Hills -oni sak 16 ong·a.