SHILLONG: Gong kror 1600 ong·gipa Shillong-Dawki ramako tarina gita Sombar salo, a·songni Vice President Venkaiah Naidu, pangchakaniko songe on·angaha.
A·songni Vice President, Sombar pringo Shillong songjinmaona sokbaaha aro uko Meghalaya a·dokni Governor Satya Pal Malik baksana a·dokni Chief Minister Conrad K Sangma, Raj Bhawan-o rimchaksoaha.
Ia ramako tarina gita pangchakaniko songe on·angani somoio a·songni Vice President, jinmana aganprakangengon, salgro salaram a·dokrangara a·songni Prime Minister Narendra Modi-ni namnikbegipa biap ong·ani gimin ia jolrango ta·raken namroro silroroaniko ra·bana nangenga ine parakataha.
Salgro salaram a·dokrango aro a·song gimikon dal·dalgipa kamrangko matchotahaode India a·songba dal·batgipa a·songrangoni damsa ong·gnok ine janapatengon, ia ramako tarianio ja·manchakjachina gita Naidu, a·dokni dilgiparangko didiangaha.
Ia Shillong-Dawki ramara East Khasi Hills, West Khasi Hills aro South West Khasi Hills a·jani dingtang dingtang songrangko a·dokni skotong Shillong songjinmaona nangdimeatgipa rama ong·a aro ia ramako tarina gita gong kror 1606 tangkarangko chamsoenga. Ia ramako 2022 bilsini December jao matchotatna gita ka·dongsoenga.
Ia ramara Dawki Integrated Check Post-oni Bangladesh a·songni Tamabil-o nangdimegipa rama ong·ani gimin da·o ia ramako taridapanichi Meghalaya a·dokni aro mongsongbate East Khasi Hills a·jani Bangladesh a·song baksa bading chiwalgrikani kamrangko tang·doatna man·gnok.
Shillong-Dawki ramana a·songni Vice President-ni jakchi pangchakaniko songe on·anga
Date:
Share post:
