JOWAI: East Jaintia Hills aro Cachar district-rangna, Meghalaya aro Assamni songgipa regional committee-rang October 9 tariko Silcharo grongenba Rata-cherra-ona wenanggen, je biapkon Assam aro Megha-laya dolgnian a·kanggrikenga. Minister Lahkmen Rymbui, jean East Jaintia Hills-ni songgipa regional committee-ni saksa member ong’paa, ua mijalo koborni manderangna aganaha je da’o dipet changgnina kingking Umkiang songo, uamangni chairman, Sniawbhalang Dhar-ni dongpaanio tom’e chanchirimaniko dakaha. Committee, changgipino Shillong-oba tom’aniko dakkunaba donga ine aganan baksa, ianchango a’dok damgnini sima arini golmalko namatna mangen ineba ka’dongsoaniko parakaha. Dingtang dingtang committee memborrang, mija Sombaro, Assamni Kamrup aro West Khasi Hills district-ni ning’ogipa sima arini damsni biaprangona re’ange nirokeaha. Meghalaya PHE Minister, Renikton Lyngdoh Tongkhar, jean West Khasi Hills regional committee-ni chairman ong’enga, uamangni sandie man’gipa report-ko sorkarina pakwatanggen ine aganah.
