Dr. D.D Lapang, Ri-Bhoi Presbyterian Synod-ni Children Home-na gari bolsako pakwatanga

NONGPOH: Meghalaya Sorkarini Chief adviser Dr. D.D Lapng, jean Dr. D.D Lapang Foundation-ni Chief Patron-ba ong·enga, mijalo gari bolsako Ri Bhoi Presbyterian Synod-ni Children Home-na pakwatang-aha. Pakwate on·ani tom·-anio jinmana aganprak-engon, songsalni nokgri jamgrigipa bi·sarangna dakchakna gita children’s home-ko rikna ba chalaina gita Ri Bhoi Presbyterian-ni jotton ka·anirangna Dr Lapang, mittelpilaniko dakangaha aro je bi·sa-rangan ia children home-o donge dal·tokgenchim, uamang songsalna uan-dake a·dokna jakkaltokgipa chadamberang ong·china gitaba uni skaniko parak-aha. Lapang Foundation, mikkangchiba, dakchaka-niko nangenggipa song-salna dakchakaniko on’na gita Ri Bhoi Synod baksa bakrime kam ka’angkugen ineba Dr Lapang aganaha. Tom’anio Ri Bhoi Presby-tetrian Synod-ni giljani dilgiparang, pamongrang Mawsyntai jolni mande-rangba bakko ra·angaha.