TURA: Songni nokni manderangna sorkarini ra·gate on·enggipa dingtang dingtang scheme-rangni bidingo aro songni nokni Nokma sanerangna on·gimin bilrangni bidingo agan-talatanirangko on·na gita Sukrobar salo, All Garo Hills Federation Multi Purpose Cooperative Society (AGHFMPCS)-ni gita dingtangmancha awareness program-ko Gambegre Block-ni ning·o donggipa Dikgimpara songo ong·atangaha.
Tom·aniko dolni president CD Sangma dilangengon, maini gimin ia dolko bikotahachim aro maini gimin ia awareness program-ko ong·atengachim, uarangni bidingo tom·bagiparangna agan-talate on·angaha.
Ia program-ko ong·atanio Sitaram Prasad, sorkarini ra·gate on·enggipa dingtang dingtang scheme-rangni bidingo talate on·angengon, songo noko an·tangtangni janggi tangani gadangko namdapatna gita cooperative society-rango bak ra·e ia scheme-rangko ra·china gita songni nokni manderangko didiangaha.
Ia apsan dakgipa program-ko re·anggipa September-ni 30 tariko Betasing Block-ni ning·o donggipa Gara Bokmangre songoba ong·atangaha ineba AGHFMPCS u·iataha.
