SHILLONG: Meghalaya a·doko mijal salni bako sak 81 manderang COVID-19 sabisiko man·dapaha, jeon sak 182 manderang sabisioni nampilskaaha. Unomitingo sakgni manderang COVID sabisini a·sel mijalo siangaha, uamangoni saksade tikka su·kujachim.
Mijal salni bako sak 81 COVID man·giparangoni East Khasi Hills-o sak 40, Ri-Bhoio sak 2, West Garo Hills-o sak 6, West Jaintia Hills-o sak 8, West Khasi Hills-o sak 25, unagre a·dokni gipin district-rangode mijal salni bako COVID man·dapgiparang dongangjaha.
Batanggimin konta 24-ni gisepo East Jaintia Hills-o sak 2, East Khasi Hills-o sak 96, Ri-Bhoio sak 23, South West Khasi Hills-o sak 1, West Garo Hills-o sak 3, West Jaintia Hills-o sak 11, West Khasi Hills-o sak 46 gimik sak 182 manderang COVID-oni nampiltokaha.
Unomitingo mijalni bako East Khasi Hills district-o sakgni manderang COVID-ni a·sel uamangni janggirangko gimaataha, jemangonin saksade COVID tikka su·kujachim.
Meghalaya A·doko COVID sabisiko man·giparang mijalona sak 82,364 gapahachim, uamangoni sak 79,724 manderang sabisioni an·sengpilaha, sak 1,417 manderang sabisio uamangni janggirangko gimaataha, indake COVID sagiparang a·doko da·oba sak 1,223 dongengkua.
Meghalaya a·doko da·omitingo sak 1,223 COVID man·giparang dongkuenga, uamangoni East Garo Hills-o sak 13, East Jaintia Hills-o sak 8, East Khasi Hills-o sak 650, North Garo Hills-o sak 2, Ri-Bhoio sak 47, South Garo Hills-o sak 2, South West Garo Hills-o sak 3, South West Khasi Hills-o sak 20, West Garo Hills-o sak 19, West Jaintia Hills-o sak 122, West Khasi Hills-o sak 337 dongkua.
