SHILLONG: Meghalaya a·doko ‘Vegan leather’-ko tarina miksongengani gimin a·dokni Forest & Environment Minister James PK Sangma-na PETA India-ni Progressive Business Concept Award-ko on·na sienga ine Budbar salo official-rang parakataha.
Official-rangni u·iatani gitade, a·dokni minister-na ia award-ko Meghalaya a·doko donggipa People for the Ethical Treatment of Animals (PETA)-ni volunteer-rang bakan on·anggen.
Meghalaya a·doko man·enggipa anarosrangko jakkale a·dok sorkari, bigilko tarina miksongenga ine adita salrangna skangsan James Sangma, Hyderabad-o parakatahachim. Meghalaya a·doko climate change museum-ko kulina aro skulrangoba ia climate change-ni subject-ko a·bachengatna miksongenga ineba ua aganahachim.
“Anaros-oniko bigilko tarianichi game ge·e cha·gipa manderangna dakchakanirangko on·na miksongengani gimin PETA India, una Progressive Business Concept Award-ko on·na tik ka·aha maina ian matburingrangko aro samtangtango ong·telaigiparangko ripinge rakkina dakchakaniba ong·gen,” ine PETA India-ni senior campaigns coordinator Radhika Suryavanshi parakataha.
