NONGPOH: Ri Bhoi District-ni ning·ogipa Umbang, Sumer-o, mija Sonibaro scooty bolsa (ML05S2975)-ko ki·sangchini re·bagipa trak bolsa (ML05R0556) su·pekeanio scooty salgipa mande a·sel ong·gipa biapon sikamaha.
Ia a·sel Sonibar salni 2:30 bajimango ong·aha, jeon a·sel ong·e sigipa mande Nongph-oni Shillong-ona re·angengachim, indiba rasong gribee Sumer-ona sokon, uni scooty-ko ki·sangchini re·bagipa trak gari su·pekaha aro scooty salgipa mande a·sel ong·gipa biapon siaha. Trak gariko salgipa driver an·tangko Umiam Police Station-o bame on·eaha.
A·sel ong·e sianggipa mande Jail Road, Shillong-oni Prem Pradhan (36) minggipa ong·achim.