SHILLONG: Garoland State Movement Committee (GSMC), re·anggipa October 16 tariko, Phulbari unit-ni ning·ogipa Gimbil Agal area-na ge·sa sub-unit songe on·aha. Ia sub-unit-ko songaona NGO-ni dilgiparang jedake head Quarter GSMC-ni Co-chairman Balkarin Ch Marak, Asst General Secretary Cyril A Sangma, Babadam unit-ni Environmental secretary Silbat A Sangma, AAYF Pulbari unit-ni president Terak Sangma, AYMBS Bikongre sub unit-ni president Manseng Marak, Pulbari unit GSMC-ni secretary Michael A Sangma aro Bikongre GSMC unit-ni dilgiparangba dongpaaha ine GSMC Asst General Secretary Cyril A Sangma u·iataha.
AAYF aro AYMBS dilgiparangba, Garoland State-na dabianio uamangni chakpaaniko parakangaha.
Unomitingo, Gimbil Agal area-ni manderangko gisik katong gimikchi rimchaksoan baksa uamangni Garoland-na ka·oksie kamko ka·na re·ongkatbaani gimin GSMC Co-chairman Balkarin Ch Marak dingtangmancha uamangko mittelangaha aro A·chik jatna kamko ka·on chakchika aro bamachi, kakket ong·anichi jakgitelna krimkro ka·na aro duk chakeba chu·sokkujana kingking kam ka·na gita mol·molaha.
Tom·anio, ge·song gital unit-na gital dilgiparangkoba seokaha, uamangara, Chairman Rument Marak, Co-chairman Bollet A Sangma, General Secretary Raseng Sangma, Asst General Secretary Balson A Sangma, Education secretary Pilleth Sangma, Publicity secretary Palneth Sangma, Organizing Secretary Miwil Marak, Environmental secretary Effil Marak, Art and cultural secretary Nokjen Sangma, Game and Sports secretary Telpin Ch Sangma, Chief adviser Wanton Marak, Asst adviser Galbat Marak, Executive Member-rang Seline A Sangma, Pilina B Sangma, Telina B Sangma.
