SHILLONG: Meghalaya a·dokni damgittam Assembly constituency-rang, chong·motan Mawryngkneng, Mawphlang aro Rajabala Assembly constituency-ni by-election-ko re·baenggipa October 30 tariko ong·atengani gimin ia salo, ia damgittam constituency-ni manderang, an·tangtangni dilgiparangko jakgitele seokna man·na gita ia damgittam constituency-rangon pilak sorkari office aro skie ra·chakgipa biaprangko sorkari chutti dakataha.
Ia damgittam constituency-ni voter-rang, jemangan a·dokni gipin a·jarango kamrangko ka·engachim, uamangnaba ia salo dingtangmancha chuttiko on·gen ine sorkari parakataha.
Apsan daken, Negotiable Instruments Act 1881-chi chalaienggipa karkana ba uandakgipa biaprango kam ka·enggiparang, jemangan ia damgittam constituency-ni voter-rang ong·achim, uamangba Representation of the People Act 1951-ni Section 135B-ni ning·o on·gimin niamrango pangchake, paid holiday ba dormaha kattiani gri chuttiko man·na nanga ine sorkari u·iataha.