SSA school teacher-rang dormaha man·jaenganina jingjengata

NONGSTOIN: All Meghalaya SSA School Teacher Association (AMSSASTA)-ni ganggopanio Nongstoin block-ni school teacher ba skigiparang, jabrionin dormahako  man·kuja-engani gimin sorkarini kosako jegale, SSA West Khasi Hills  District Missioin Coordinator office-ona re·jome jingjenga-tangaha.
Nongstoin Block-ni Pre-sident Overlin Marbaniang, kobor ra·timgiparangna indine aganaha, “a·dok sorkari, SSA school teacher-rangni neng·nikako u·ichakja, dormahako man·gijan jabri gapengjok, uni gimin chingna dormahako watchina dabie jingjengatna tik ka·aha. Sorkarini SSA teacher-rangni dormahako on·na man·jani a·sel chinga baditan neng·nikako cha-grongna gita nangenga.”
Indake ong·engon AMSSASTA Central Body-ni Vice President Peter Thyrniang-ba a·dok sorkarini SSA teacher-rangni dormahako watna simsakjani gimin suk ong·gijako parakataha aro SSA school teacher-rangni chagrongenggipa neng·n-ikanirangni gimin jana-pataha.
Sorkarini on·gimin ba ge·etgimin niamrang aro kamrangko chu·sokatna chinga raken jotton ka·a, indiba chingna dormahako on·nani sokode sorkari gisik nangskaja. Uni gimin SSA teacher-rang sorka-riko jabrionin man·kugija dongenggipa dormahako watchina dabie jing-jengatenga, ineba agand-apaha. SSA school teacher-rang dormaha man·jaenganina jingjengata