SHILLONG: Congress da·odipet ku·cholsan ong·tokenga, aro sason ka·enggipa dolni, uamangko bak ong·gimin nokdang ine agananiara, uamangna maming baljrimani dongja ine Opposition Congress aganaha.
“Congress-ko bilding bildang ong·gimin nokdang ine chingni kosako chakatgipa dolni agananide uamangni namnikbatgipa katta ong·pilaiaha” ine Opposition Congress dilgipa Ampareen Lyngdoh aganaha.
Mitam party MLA-rang, Mukul Sangma-ko CLP dilgiparangoni ra·galna dabienga ingipa koborrangni bidingo sing·anina aganchakengon, “Unaskang, CLP dilgipa Mukul Sangma, party-oni ong·katna am·engaha ingipa kattakoba chingni kosako chadenggipa dol bilongen jangaha, uaba maming biteko nangjaha,” Lyngdoh aganaha.
‘‘Chingni CLP dilgiparang by-poll-na bimchipbee campaign ka·enga aro uamangni rallay ka·a changanion hajal hajal manderangko rally-o chimongatna man·enga,” ua aganaha.
“Ua, party-ni pal bilaken kamrangko ka·enga aro Garo Hills-o miknengani grigipa dilgipa ong·angkugen,” Lyngdoh agandapaha.
Mitampak Congress MLA-rang, CLP dilgipa Mukul Sangmako ra·galchina dabienga ine agangipa kattarangko, adita salrangna skang mangmango a·gipi Congress dilgipa Charles Pyngrope-ba jegalatahachim.
CLP dilgipa Sangmako CLP dilgipaoniko ra·galchina gita AICC-ko didichina ine dolsa party MLA-rang MPCC president, Vincent H. Pala aro general secretary, Deborah C. Marak mangko grongaha ine Congress-ni mitam MLA-rangan parakahachim.
Ia MLA-rangni parakani gitade, umanga, AICC general secretary in charge, Meghalaya, Manish Chatrath-na aganatpilahachim.
Mukul Sangmako CLP dilgipaon donangkuode party-na gimaaniko ra·bagen ineba ia MLA-rang aganahachim.
