TURA: Batanggimin sal somoirango dongimin apsan niamrangko ja·rike West Garo Hills a·jao October 25 tarikoni re·baenggipa November 1 tarikona, dingtang dingtang niamrangko ra·gatangkuaha ine West Garo Hills a·jani Additional District Magistrate CN Sangma u·iataha.
ADM-ni u·iatani gitade, West Garo Hills a·ja gimikon da·o dokkanrangko Sombar saloni Sonibar salona kingking walni 9:00 bajiona kuliangna man·gnok aro manderangko salruraenggipa garirangba chu·gimik manderangko gate salna man·gnok.
Sorkari office-rangkoba skango ka·a gitan da·o chu·gimik kam ka·giparang baksa pring 10:00 bajioni attam 5:00 bajiona ka·anggnok.
Indake ong·genchimoba, walni 11:00 bajioni pring 5:00 bajionade corona curfew ong·engkuani gimin West Garo Hills a·ja gimikon ia somoirangode manderangni skatang re·ruraanirangko champengatanggen ine West Garo Hills a·jani ADM parakataha.
