NONGSTOIN: Assam aro Meghalaya sima arini Langpih sector-o West Khasi Hills-ni sima ariko tik ka·grikengon, Hima, KHADC-ni agangipao pangchakesa tik ka·grikchina aro Khasi aro Garo songrangkode Assam-chi napatjachina gita FKJGP, Langpih Circle, Meghalaya Chief Minister Conrad Sangma-ko aganaha.
Sima arini mamlaan dal·batsranggipa neng·nikanirangni gisepo mingsa ong·enga, jekon ru·uta somoirangnan donchipenga aro gitcham sorkarirang re·baeba bon·angpilaha jemangan namatna man·chipangjaha ine FKJGP President FKJGP, Langpih Circle-ni FKJGP president Serbilin Lyngdoh aganaha.
Indake ong·engon, sima ariko tik ka·grikna man·jani a·sel sima ario songdonggipa manderangni neng·nikanirangko chel·atna man·na gita ianchangon namedake tik ka·e on·china gita chinga dolsa organization ong·e Chief Minister Conrad Sangmani re·dilgipa MDA Sorkariko mol·mola, Lyngdoh aganaha.
Unigisepon, sima arini Khasi aro Garo songrangkode jedakeba Assamchi chapatjachina gita uamang chief ministerko mol·molataha.
