Ampati: South West Garo Hills Ampati-o Civil Hospital-ko a·bachengaonin ian skanggipa Hernioplasty surgery-ko ka·e chu·-sokaha. October 27 tariko hospital-ni doctor aro staff-rang district-onin saksa sagipa mandeko surgery ka·aha.
Uandake da·ode sagipa mande nampilengjok.
Sagipa mande, district-tangoni ong·kate gipin biapona re·ange surgery-ko ka·na bil amjaniko nikenba doctor-rang Ampati Civil hospital-on Tura-oni retire ong·gipa mingsinggipa Anaesthesiologist Dr Greena K Marak-ni dak-chakanio surgery-ko ka·aha. Indake ong·engon Ampati Civil Hospital-ko bilsi 2016 December jao gitcham Chief Minister Dr. Mukul Sangma-ni jakchi a·bachengate on·aha. Ua somoinin indakgipa dal·be-gipa surgery-ko ka·a dong-kujachim, ian skanggipa changna hospital-ni doctor aro staff-rang surgery ka·aha aro chu·sokaniko man·aha. Ian a·dokni medical dolrangna rasongni ong·a baksana South West Garo Hills district-oni manderangnaba pilsagita ka·donganiko on·aha.
