TURA: All Meghalaya 4thTeachers Association, Garo Hills unit (AM4thTA GHU), uamangni pay-ko bariatchina dabienga. Association-ni dilgiparang adita changna CM Conrad K Sangma, Education Minister Shri Lakhmen Rymbui aro gipin official-rangko grongaha.
Uandake Association, Governor Shri Satya Pal Malik-naba re·anggipa bilsion 4thTeachers dol-rangni chagrongenggipa neng·nikarangko janape ia mamlako nirokatchina mol·molatahachim. Indiba da·onan mamingkon nirokata dongkujaenga.
Association-ni secretary J. T Sangma secretary indine aganaha, “a·doko SSA-ko ra·gatchengaonin 4th Teacher-rang kam-tangko jako ra·e ka·baenga. Sak 1521 4th Teacher-rang SSA-ni ning·o dangdike on·tokengachim indiba sorkari 4th Teacher-rangni neng·nikanirangko nirokata dongja. Chinga komibee dormahako cha·enga.
Bilsi 2017-o Assistant SSA Teacher-rangni dor-maha gong 9000-oni 20,493-ona bariaha indiba 4th Teacher-ni dormahako gong 6,000-oni 12,000-onasan bariataha. A·dok sorkari mikkang nie kam ka·enga, chingaba gipin teacher-rang gitan apsan school-on apsan kam-rangko ka·engachim.
Indian Constitution-ni Article 14-o ‘Equal pay for Equal work’ ingipa niam donga, indake ong·gen-chimoba a·dok sorkari maini gimin SSA-ni Assitant Teachers aro 4th Teacher-rangni gisepo dingtang-grikaniko done niatenga? ine secretary Jekiush T Sangma sing·doataha.
Re·anggipa bilsio Association Delegation Education-ni Minister Shri Lakhmen Rymbui-ko grongahachim ua somoio Rymbui, delegation-ni kattako knae ra·e ia mamlako CM Conrad Sangma baksa agangrikan ka·dongatachim. Indiba da·onan maming ja·ku de·ani dongkujaenga.
4thTeachers Association, dormaha bariatjanina suk ong·gijaniko paraka
Date:
Share post:
“Da·oni chasongo bosturangni dam barikrikenga, indiba 4th Teacher-rangnid dor-mahade uanba uan ong·e gong 12,000-san ong·enga, chinga maidake choligen, bostuni damrang barijok, maidake nokdangko nigen. Minggipin da·ode chinga gipin kamrangnaba apply ka·na man·jajok maina bang·a skigiparangan bilsi badejok, uni gimin janggi tanga dipetna ia kamon pangchake dongna nangani gimin 4th Teacher-rang Education Minister aro CM Conrad Sangma– uamangko chingni neng·-nikanirangko nirokatchina mol·molatpaenga.”
