SHILLONG: Meghalaya a·doko mijal Sonibar salni bako sak 46 manderang COVID sabisiko man·dapaha aro ia apsan salni bakon sak 67 manderang nampilskaaha. Mijal salni bako COVID man·e sidapgiparangde dongjaha.
Mijal salni bako COVID man·dapgipa sak 46 manderangoni, East Garo Hills-o sak 2, East Khasi Hills-o sak 34, North Garo Hills-o sak 1, Ri-Bhoio sak 3 aro West Khasi Hills-o sak 6 man·dapaha.
Mijal Sonibar salni bako East Jaintia Hills-o sak 1, East Khasi Hills-o sak 36, Ri-Bhoio sak 3, South West Garo Hills-o sak 1, West Jaintia Hills-o sak 3 aro West Khasi Hills-o sak 23, gimik sak 67 manderang COVID sabisioni nampilaha.
Meghalaya a·doko COVID sabisiko man·giparang mijalona gimikchide sak 83,605 gapangaha, jeon sabisioni nampilgiparangba mijalona sak 81,695 gapeaha aro COVID sabisio sianggiparang gimik sak 1,449 ong·aha. COVID man·giparang a·doko da·o sak 461 dongkuenga.
A·doko sak 461 COVID man·e donggiparangoni, East Garo Hills-o sak 11, East Jaintia Hills-o sak 4, East Khasi Hills-o sak 289, North Garo Hills-o sak 2, Ri-Bhoio sak 26, South Garo Hills-o sak 1, South West Garo Hills-o sak 4, South West Khasi Hills-o sak 6, West Garo Hills-o sak 10, West Jaintia Hills-o sak 27 aro West Khasi Hills-o sak 81 dongkuenga.
