Resubelpara: India-ni jakgitelani bilsi 75 gapaniko maniani bak gita “Azadi ka Amrit Mahosav” ja·pang kattako done mija Sukro-bar salo North Garo Hills, Nisangram Babupara-o State Rural Roads Development Agency (SRRDA)-ni ning·o tarigipa PMGSY rama-sorokrangni bidingo awareness-ko ong·atan baksana PMGSY Road-rangni gimino maintenance drive-ko ong·atangjolaha.
Maintenance drives-ko L-21 ramaoni Nisangram Babupara (2.503km)-ona aro T.04 ramaoni Tengasot-ona (1.766km-ona mija Bristibar-o ong·ataha.
Deputy Speaker aroba local MLA T D Shira chief guest ong·e aganao bat-anggimin 75 bilsirango a·song namroro-silroroa-niko chu·sokatanio tom·ba-giparangko mitelaha.
Re·a-doani a·jolni mong-songgipa chu·sokgipa kam-rangoni mingsa ong·aniko janape, PWD (R) department-ni a·bachengatgipa PMGSY-ko uamangni ka·anichi manderang da·o re·a-daoani rama-sorokrang nambatjok aro jean a·dokni aro a·songni gimikni gitan dal·roroenggipa socio-economic-ko bilakbatatani ong·a, ua aganaha.
PMGSY rama-sorok-rangni programme-na mik-songani bidingo aganao, rama-sorokrang mande-rangnin ong·a aro uni gimin uamang indakgipa rama-rangko name rakkiani giminba nokgipa ong·ani gisik dongna nanggen. Tarigimin ramarangko name jakkalna contractor saksani daito ong·ja indiba gimik manderangnin ong·a,” ua aganaha.
Resubelpara division PWD (R)-ni EE, Er. S Massar, jjinmarangna aganao, Azadi ka Amrit Mahotsav-ni bak gita programme-ko ong·ataha jekon department a·ba-chengoba songgadamni ramarangni gimin seminar-ko aro T.04-oni Tengasot-ona PMGSY ramako name jakklani gimin awarenees-ko ong·ataha, ua aganaha.
Songadam a·jolrango socio-economic-ni namro-roa-silroroaniko nambat-atanio PMGSY-ni kam-rangko ua mesoke aganaha aro India a·song gimikni PMGSY programme-ni bon·aona 74000 km black toping rama 165902 song-rangna namgni ong·gnok, ua aganaha.
Indake ong·engon, Meghalaya 561 PMGSY ramarang song 437 song-rango donga aro dil 33 bakrogipa rama-jalang-rangko on·ataha.
North Garo Hills-o FY 2018-19-mitingo, dil 67 ramarang (250 km) aro 2 LSB (99.68m)-ko on·ataha, S Massar u·iataha.
Tarigimin PMGSY rama-rangko nirokna nanganiko agane, ramarangko taritaia-ni, rama a·klokrangko dapani, ramani chin, traffic-ni chin aro ramako u·iatani indakgiparangko bilsi bongana ramarangko nirokna contractor-ni kam ong·achim indiba PMGSY-ni ning·o bilsi bonga somai-o ramarangko nirokanina jinmarangko ua mitelaha.
Ramarangko nirokanio jemangan daitoko ra·gipa-rang ong·achim raken niroke jeba rama namjaode uko department-na u·iatchina ua manderangko didiaha.
