TURA: ‘Azadi Ka Amrit Mahotsav’-ko maniani bak gita, District Legal Services Authority, South Garo Hills District-ni dingtang ding-tang jolrang jekai- Chokpot, Nongalbibra, Kapasipara, Dabit Ampangdam, Gitting-gre, Jaksongram ba uan-dakgipa biaprango out-reach cum awareness programme-ko ong·atenga.
Uandake program-o bakko ra·e aganprakmitingo Chief Judicial Magistrate Daniel S Marbaniang, Legal Aid Services Authority-ni kam ka·ani bewalrangko agantalate on·aha. India Constitution-ni Article 39, indin Legal service-ko on·enga unbaksana fundamental right-ni bidingo manderangna u·iatna awareness programme-rangkoba ong·atenga, ine janapatenba Marbaniang, ‘Azadi Ka Amrit Mahot-sav’-ni gimin agan-talate on·angkuanga aro jolni manderangko Para Legal Volunteer-na biming segatna didiataha.
Indake ong·engon local Para Legal Volunter Mr. Milan M Sangma-ba tom·a-nio bakko ra·e aganpraka-tao, manderangko Para Legal Volunter-o nape je-mangan legal dakchaka-niko nanggiparang ong·a, uamangna dakchakaniko on·china didiangaha.
Unbaksana bilsi bregimin manderangna on·gipa scheme-rangni gimin talate on·enba scheme-ni namgniko ra·china aganaha.
Iarangni gisepon tom·a-nio bak ra·giparangni sing·-anirangko aganchakna interactive session-koba ong·atjolaha.
