TURA: Garo Hills-ni B Mahal-o donggipa a·arangko Garo Hills Autonomous District Council (GHADC)-ni chief executive membor (CEM) Benedic R Marak, pala cha·na jotton ka·enga ine matnangenba, iani bidingo songni nokni manderangna agan-talate on·na aro CEM-ni kamko jegalgrimna gita Mongolbar salo Garo Students Union (GSU) Rembigre unit-ni gita jinma tom·bimonganiko Rembigre songo ong·atangaha.
Ia tom·anio dingtang dingtang songni nokma sordarrang aro jolo songdongenggipa bang·bea manderang bakko ra·angaha aro uamangna GSU baksana gipin dolni dilgiparang, ia B Mahal-ni bidingo agan-talate on·angaha.
Ia tom·anio Garoland State Movement Committee (GSMC) Pedaldoba regional unit-ni chairman Rimjen Ch Sangma-ba dongpae jinmana aganprakengon, B Mahal-ni ning·o donggipa a·arangko GHADC-ni CEM Benedic Marak, Israel a·songni Agricultural Company-na palna miksongenga aro ia biaprango ua an·tangni man·gninasa solar park aro GPS coordination-ko kulina miksongenga ine parakangaha.
B Mahal-ni ning·o donggipa a·arangara GHADC-ni ong·ja aro jolo songdongenggipa manderangnisa ong·a aro GHADC-de ia jolrangko aro jolo songdongenggipa manderangko nirokgipa gitasan ong·aia ineba GSMC Pedaldoba unit-ni chairman parakataha.
B Mahal-ni a·arangko GHADC-ni CEM palna miksongenga ong·ode GHADC-na on·ani asol lekkarangko ia jolrango songdongenggipa manderangna mesokchengna man·na nanggen ineba ua aganaha.
GHADC CEM-ni kamko jegalgrimchina aro ia B Mahal-ni a·arangko on·tisaba pale cha·na on·jachina gitaba GSU aro GSMC-ni dilgiparang, songni nokni dilgiparangko aro ia jolrango songdongenggipa manderangko didiangaha.
B Mahal-ni bidingo chanchirimna gita Rembigre songo tom·aniko ong·ata
Date:
Share post:
