TURA: Mijal November-ni 2 tariko hajalni hajal Roman Catholic bebera·giparang, sigiminrangni janggina bi·chakanirangko dakan baksana mombatirangko so·e aro nitobegipa pulrangko uamangni gopramrango done Garo Hills-oba All Souls Day-ko maniangtokaha.
Gopram maniani salo dingtangmancha sigiminrangni gopramrango pamongrang, tom·anirangko ong·ate, holy water ba rongtalgipa chiko sate pattianiko on·angaha.
Ia gopram manianiko Tura-osan ong·aigija Garo Hills-ni ki·tikbrion Catholic bebera·giparang, gopramrango pulrangko done aro mombatirangko so·e an·tangtangni sianggipa ma·drang bakdrangrangko gisik ra·na aro Isolo bi·chakna gita maniangtokaha.
