TURA: Meghalaya a·dokni damgittam by-election-kon Meghalaya Democratic Alliance (MDA)-o bakrimenggipa dolrang chegopahani gimin ian National People’s Party (NPP)-chi dilenggipa MDA sorkarini chu·sokatgipa kamrangni a·selsa manderangni ka·donganiko man·e cheani ong·aha ine Mongolbar salo NPP-ni national president aro a·dokni Chief Minister Conrad K Sangma a·kangataha.
“Batanggimin chang election-rangko nigenchimode NCP-ni somoionin Rajabala constituency-o changsaba NPP chekujachim indiba ia by-election-o chinga chegipa ong·na man·aha. Ia pilakan NPP-chi dilenggipa MDA sorkarini kamrangko nike manderangni ka·donganiko mesokani ong·enga,” ine Sangma parakataha.
Meghalaya a·dokni damgittam Assembly constituency-rang, chong·motan Rajabala, Mawryngkneng aro Mawphlang constituency-ni by-election-ko ong·atanio Rajabala aro Mawryngkneng seat-rangko NPP aro Mawphlang seat-ko UDP cheahachim ine nikna man·a.
“Ia bye-election-ni result-ko nigenchimode ia damgittam seat-rangkon MDA cheaha aro ia pilakan MDA sorkarini kamrango chu·sokanirangko mesokani ong·enga,” ine Chief Minister aganaha.
Manderangni janggi tanganio dingtanganiko ra·bana man·genchimosa manderangba sorkario ka·dongna man·a ine janapatengon, MDA sorkarini kamrangko nikesa ia by-election-o manderang MDA-ni candidate-rangko seokaha ine Sangma parakataha.
2023 bilsini Assembly election-ona da·o bilsisa atamangsan dongaiahani gimin ia somoirango mai dakgipa kamrangko ka·gen ine Rajabala-ni gital MLA Abdus Saleh-o sing·skaon, ua jegita somoi donga ugitan Rajabala-ni manderangna dangdike on·gen aro bilsisa atani ja·man na·simang mai kamko ka·aha ango sing·pilna man·gen ine Saleh parakatskaaha.
NPP sorkarini namgipa kamrangni a·selsa by-election-ko MDA chea ine Conrad a·kanga
Date:
Share post:
