TURA: Budbar salo North Garo Hills a·jani me·chikrangna aro mongsongbate skigiparangna aro ASHA/Anganwadi worker-rangna Legal Awareness program-ko Resubelpara-ni Mini Secretariat-o ong·atangaha.
Ia program-ko North Garo Hills a·jani Psychologist Kasri Sanara A Sangma dilangaha aro program-o North Garo Hills a·jani ADM aro DRDA-ni Project Director ZJ Sangma, mongsonggipa sokgipa ong·e bakko ra·angaha.
Ia program-ko ong·atanio skigiparangna aro ASHA/Anganwadi worker-rangna agan-talate on·anggipa manderangara, Advocate Curious Rongsang N Sangma, District Social Welfare Office-ni Assistant Protection Officer Christina Betsy Marak aro gipinrang ong·a.
Mittelpilani kattarangko gitcham Addl SP aro DLSA-ni Member Sparson G Momin aganangskaaha.
