SHILLONG: State Cabinet, Ri Bhoi Kyrdem Kulai-o Meghalaya State Veterinary, Dairy and Fisheries Science Unviersity-ko songna tik ka·aha.
Mni Sukrobar salo ia koborko u·iatmitingo, Deputy Chief Minister Prestone Tynsong indine aganataha, “sorkari, gital university-ko a·doko songna tik ka·anio daitoko jako ra·e kam ka·gipa department-ko university-ni draft bill-ko ra·bataichina ge·etaha. Una agreba draft-ko Cabinet-ona sokbahaode ra·chakna kam ka·angskagen.”
Deputy Chief Minister-ni parakatani gitade, university-ko Kyrdem Kulai-o rikna tik ka·aha maina Animal and Husbandy department baksa chu·onga gita biap dongja. Iarangna agreba cabinet a·doko National Law School-ko kulina chanchienga. Jena proposal-ko watataha, ineba Tynsong aganaha.
