SHILLONG: “Azadi Ka Amrit Mahotsav aro Legal Services Week-ni bak gita dake Pan India Awareness & Outreach Programme’’-ni somoio Meghalaya State Legal Services Authority, High Court Legal Services Committee, Shillong; District Legal Services Authority, Shillong; District Transport Office, Shillong aro Police Department (Traffic), Shillong gimik nangrimenba Road Safety Awareness-ko mijalo Shillongo ong·atangaha.
Ia programko ong·atani somoio, rama sorokrango gari gorarangko salanio naljokanina mongsonggipa dakgnini gimin, Motor Vehicles Act, 1988 aro uni niam-ainrangni bidingo segipa lekka pal·takrangko sualaha. Ia awareness programko Shillongni Police Bazar, Motphran, Anjalee Pump, Iew Mawlong, Dhankheti, Laitumkhrah aro Polo jolrango ong·atangaha.
