RESUBELPARA: ‘Azadi Ka Amrit Mahotsav’-ni bak gita Bristibar salo, songni nokni manderangna medical health camp-ko indin ong·atangaha. Ia medical health camp-ko Meghalaya State Legal Services Authority (MSLSA)-ni dilanichi North Garo Hills a·jani District Medical & Health Office aro District Legal Services Authority (DLSA) nangrime ong·atangaha.
Ia medical health camp-ko maming tangka paisa nanga gri indin ong·atangaha aro ia program-ko ong·atanio chatro chatrirang, skigiparang, nokma sordarrang aro dingtang dingtang self help group (SHG)-rang bakko ra·e namgnirangko man·aha.
Ia medical health camp-ko NALSA-ni Pan India Awareness & Outreach Campaign-ni bak gita ong·atangaha aro ia program-ko ong·atanio MSLSA-ni Member Secretary E Kharumnuid, mongsonggipa sokgipa ong·e jinmana aganprakangengon, MSLSA-ni kamrangni gimin talataniko on·angaha. Constitution-ni 39A-ni ning·o on·gimin niamrango pangchake MSLSA-ni mongsonggipa kamara, songsalo cholgri ong·gipa manderangna kakket bichalko on·na gita dakchakanirangko on·anian ong·a ineba ua aganaha.
Manderangna on·gimin bilrangni gimin ma·siate on·na gita DLSA kamrangko ka·skaenga ineba Kharumnuid aganaha.
Ia medical health camp-ko ong·atanio dingtang dingtang saanirangna porikka ra·e nianirangko dakangan baksana manderangna indin sanna bananirangkoba on·angaha. Ia program-ko ong·atanio COVID-19-ni tikarangkoba su·e on·angjolaha.
Ia medical health camp-ko ong·atanio dongpae bakko ra·anggipa gipin manderangara, North Garo Hills a·jani Deputy Commissioner RP Marak, Additional Deputy Commissioner ZJ Sangma, Chief Judicial Magistrate Albert W Lanong, a·jani BDO-rang aro dingtang dingtang department-ni officer-rang ong·a.
