TURA: Tura songjinmaoni km 13-mang chel·anggipa Wangala A.dam-o jeon 100 Drums Wangala Fesitival-ko ong·atenga, ua biapko namdapatna Meghalaya sorkari kror 10 tangkako chamataha.
Meghalaya-ni Chief Minister, Sonibar salo Wangala festival-o bakko ra·e festival-o bak ra·giparang hajalni hajal manderangna ia koborko on·ataha.
“NPP sorkari, Garo jatni culture dakrik-bewalrangko ripinge rakkina kam ka·enga. Wangala A·dam-o Garo Heritage Village-ko develop ka·na ba namdapatna kror 10 tangkako sorkari chamataha. Ia biapko infrastructure-ni gita namdapatgen, aro ian tourist-rangko bang·bate rimbana dakchakani ong·begen ine Chief Minister Conrad Sangma aganaha.
Indake ong·engon CM Conrad, Chibagre-o ong·atgipa 100 Drums Wangala festival-ni bon·kamgipa salo chief guest ong·e bakko ra·angaha, unbaksa Williamnagar-ni MLA Marcuise Marak aro Thomas A Sangma, North Garo Hills-ni legislator aro bang·a legislator-rangba festival-o bak ra·angtokpaha. Traditional house-o chachat so·a ba uandakgipa niam ba dakbewalrangko ja·rikangaha aro festival-ona sokgiparangna minil bitchiko on·aha. Indake Chief Minister Conrad K Sangma-ba ringpae niaha. Minggipin, Garo Hills-oni dingtang dingtang bakrangonin hajalni hajal manderang Sonibar salo festival-o bak ra·na sokangtokaha, jeni a·sel Goeragre-oni trafic jam ong·ako nikna man·aha. Chief Minister -oni convoy-ba traffic jam-ko chagrongna gita nangaha.
