SHILLONG: Ia bilsioba COVID-19 giproroahani a·sel baditaba jarangna skulrangko chipe dontokna nangahani gimin skulrango academic session-ko ba class ra·aniko mikkang bilsiona ra·doataha.
Education department-ni Additional Chief Sectretary DP Wahlang-ni u·iatani gitade, skulrango academic session-ko ra·dodapatahani gimin pre-primary class-rangko ia 2021 bilsini December 10 tarikona ra·anggen aro class 1-oni class 12-onade class-rangko re·baenggipa 2022 bilsini February 25 tarikona ra·angskagnok.
Re·baenggipa 2022 bilsini SSLC porikkana selection test-ko regular aro private candidate-rangnaba ia bilsini November jani gisepo ra·gen ine sorkari official parakataha.
MBOSE-ni SSLC aro HSSLC final porikkarangko re·baenggipa 2022 bilsini March aro April jani gisepo ra·angskagen.
Skulrango ra·na nanggipa syllabus-ni gimin janapatengon, pilak gadangrangon syllabus-ko matchote ra·na nanggen aro Class XI/Class XII (Science aro Commerce stream)-nade skang u·iatgimin gitan CBSE syllabus gita ong·gen ine Education official parakataha.
