TURA: ‘Azadi Ka Amrit Mahotsav’-ni bak gita South Garo Hills a·jao District Legal Services Authority (DLSA)-ni gita dingtang dingtang program-rangko, re·anggipa October 2 tarikoni a·bachenge November 14 tarikona kingking ong·atangaha.
Ia program-rangko South Garo Hills a·jani Chief Judicial Magistrate Daniel S Marbaniang dilangaha aro Legal Services ba manderangna ainni gita indin dakchakanirangko on·ani bidingo songni nokni manderangna agan-talate on·angaha. Dingtang dingtang scheme-rang, jekai NALSA (Effective Implementation of Poverty Alleviation Schemes) Scheme 2015, Jawahar Gram Samridhi Yojana (JSY), National Family Benefit Scheme (NFBS), National Maternity Benefit Scheme, Annapurna, Integrated Rural Development Program (IRDP), Pradhan Mantri Gramin Awaas Yojana aro uandakgipa scheme-rangni giminba ua manderangna agan-talate on·angaha.
India a·songni bilsi 75 gapanio chu·sokgipa ong·anirangko manina ong·atenggipa ‘Azadi Ka Amrit Mahotsav’-ni giminba ua manderangna agan-talate on·angaha aro gital India-ko rikanio a·songo songdongenggipa mande sakantian daito donggiparang ong·a ine parakangaha.
Ia program-ko ong·atanio South Garo Hills DRDA-ni Project Director Dr Regina Ch Marak, dingtang dingtang scheme-rangni bidingo power point presentation-ko dake talataniko on·angskaaha.
Ia program-ko re·anggipa November 14 tariko matchotataha aro ia program-ko matchotatani salo dingtangmancha a·songni skanggipa Prime Minister Pandit Jawaharlal Nehru-ni atchiani salko maniani bak gita Childrens Day-ko Asim Chiring LP School-o manidilangaha aro ia salko manianio South Garo Hills a·jani Ist Class Judicial Magistrate RDK Sangma, bi·sarangna on·gimin bilrangni gimin agan-talate on·angaha.
‘Azadi Ka Amrit Mahotsav’-ni bak gita SGH-o dingtang dingtang program-rangko ong·ata
Date:
Share post:
