SHILLONG: Gitcham Congress Chief Minister aro da·omiting NPP dilgipa, Dr DD Lapang darangchiba katjawaha, NPP-on dongaignok ine NPP State president aro Lok Sabha member, Dr WR Kharlukhi Mongolbaro aganaha.
“Anga uko mijalo grongaha, ua darangchiba re·angjaengaha, uko namemanchan ma·sia,” Kharlukhi aganaha, jeon Opposition Congress, doltangona re·bapilchina gita Lapang-ko okamahachim.
DD Lapang, December jaode Congress-ona re·bapilnaba donggnok ine MPCC Chief, Vincent Pala-ni kattana aganchakengon, “Congress, uamangni nangnikaniko jekoba aganaigen indiba chu·sokgipade ong·jawa, Lapang, NPP-ona dongkamna baseaha,” Kharlukhi aganaha.
NPP State chief-ni aganani gitade, by-election-o Congress-ni ama cha·anian, Lapang gride, Meghalayao Congress kam ong·jawa ine sakkiko on·aha.
Congress-ni gitcham dilgipa DD Lapang-ko party-ona re·bapilchina gita Mahila Congress Pradesh Committee, adita salrangna skang uko grongenba okampilahachim ine nikatna man·a.
