TURA: Chennai songjinmaoni mingnamgipa Apollo Hospital, Garo Hills-o sanna bananirangko nangenggipa manderangna dingtangmancha Apollo Telemedicine aro Digital Dispensary-ko Tura-oba kulie on·aha.
Apollo Hospital-ni ia Meghalaya Digital Dispensary-ko a·dok sorkarini Smart Town project-ni bak gita Sukrobar salo Meghalaya a·dokni Chief Minister Conrad K Sangma, kulie on·angaha aro iako kulina gita Meghalaya sorkariba dakchakanirangko on·aha.
Ia Digital Dispensary-ko kulie on·anganio Chief Minister-ni parakatani gitade, ia tele health centre-ko kulianichi manderang, an·tangtangni nanganirangko Apollo-ni doctor-rang baksa agangrikatna man·gen aro pilak nanga dakchakanirangko Apollo dispensary-ni gita on·anggen. Ia digital dispensary-ko Apollo Hospital-rangan chalaigen.
