SHILLONG: Meghalaya-ni SHG Movement-an MDA sorkarini chu·sokani ja·pang ong·a, ine Chief Minister, Conrad Sangma Sonibar salo aganataha.
Umsning Block-ni SHG Mela-o Cluster Level Federations & Village Organisation-na kror 1.006 tangkako on·ataha, ian sak 181-na baten SHG-rangna namgni ong·gen.
Community Investment Fund-ni ning·o, lak 92.5 tangkako sak 181 SHGs & 21 VOs donggipa dam 3 Village Organisation-na sualataha. Uandake Vulnerability Reduction Fund-ni gita 9 VOs-na hajal 90 tangkako on·ataha.
Me·chikrangni dileng-gipa SHG Movement, songsalo mongsongbate songadam jolo donggipa manderangna janggi tangani cholko bikote on·aha, uamangna dakc-hakna kusi ong·bea ine CM Sangma aganaha.
Ri Bhoi District-ni Umsning Block SHG Mela-o Meghalaya-ni dal·batgipa welfare program FOCUS-o donggipa sak 649 membor-rangni 40 Farmenr Prodcuer Groups-na lak 32.45 tang-kani cheque-koba on·jola-ha. FOCUS scheme, game cha·giparangni ge·e-game man·giparangko namgipa ba kragipa damo palna aro modern technology-ko man·e on·na miksonge kam ka·gipa ong·a.
