New Delhi: Union Health Minister Mansukh Mandaviya, Meghalaya, Nagaland, Manipur aro Puducherry-o Covid-19 tikka su·a matchotangani aro miksonganiko nipil-taina da·alo chanchigrik-anggen je a·dokrango tikka su·a 70 per cent-na baten komibatenga, official koboro aganaha.
Skanggipa tikkako su·a Meghalaya-o 56.7 per-cent, Manipur 54.2 percent, Nagaland 49 percent, aro Puducherry 65.7 percent-san ong·aia, aganangkuaha. Jemangan skanggipa tikkako su·kuja aro jemangan gnigipa tikkako su·ani sal badeaha uamangni covid-19 tikkako nokantichi re·e su·na nokantiona sorkari jagimik ‘Har Ghar Dastak’ campaign-ko a·bachengataha.
Official-rangni aganani gita ge·gni tikkarangko su·ani gisepo janapgimin sal badeani ja·mano uamangni gnigipa covid-19 tikkako su·na nanggipa 12 kror-na baten bangki dongenga. A·songo anti-covid-ni skanggipa tikako su·mangiparang 82 per cent choliaha 43 percent chu·gimik jajae dongenga. A·songo covid tikkako su·a man·a gimik kror 116.50 batangaha. 1,20,41,157 session-rang gita iako chu·sokataha. Meghalaya government data-ni gita, sak 28 manderang sabisioni nampile nampila 82,463 ong·angaha. A·doko covid-19 man·a 84,220, ong·angaha, report-o janapaha.
Union Health Minister, Covid-19 tikka su·a matchota-matchotjani gimin da·al chanchirimdilenga
Date:
Share post:
