New Delhi: (PTI) Niti Aayog-ni skanggipa Multidimensional Poverty Index (MPI) report parakatani gita, Indiani a·dokrangni gisepo Bihar, Jharkhand and Uttar Pradesh a·dokrangan kangalbatgipa ong·enga.
Niti Aayog-ni parakatgipa report-o gita, Biharo 51.91 per cent kangalrang donga, uamangni ja·man ja·man Jharkhand-o 42.16 per cent aro Uttar Pradres-o 37.79 per cent kangalrang dongkuenga. Unomitingo Madhya Pradesh-o 36.65 per cent ong·e brigipao jeon bongagipa ong·e Meghalayao 32.67 per cent kangal cholgrirang dongkuenga.
India gimiko kangal cholgri komibatgipa a·dokrangni gisepo Kerala (0.71 per cent) skanggipa ong·enga, uamangni ja·man Goa (3.76 per cent), Sikkim (3.82 per cent), Tamil Nadu (4.89 per cent) aro Punjab (5.59 per cent) a·dokrang ong·skaenga.
Union Territory (UT)-rangni gisepo Dadra aro Nagar Haveli (27.36 per cent), Jammu & Kashmir, aro Ladakh (12.58), Daman & Diu (6.82 per cent) aro Chandigarh (5.97 per cent), iarang kangalbatgipa UT-rang ong·enga. Unomitingo, Puducherry-o 1.72 per cent, Lakshadweep-o 1.82 per cent , Andaman & Nicobar Islands-o 4.30 per cent aro Delhi-o 4.79 per cent kangalrang dongkuenga.
