TURA: Bilsi 18 gapgimin chadamberangko Electoral Roll-rango biming segatchina didina gita re·anggipa Bristibar salo, Systematic Voters’ Education & Electoral Participation (SVEEP) program-ko North Garo Hills a·jani Mendipathar College-o ong·atangaha.
Ia program-ko ong·atanio North Garo Hills a·jani Deputy Commissioner aro District Election Officer RP Marak, chatro chatrirangna aganprakengon, dilgiparangko seokna gita election-ni kamrango bak ra·na nangani gimin aganangenba, bilsi 18 gapgimin pilak chadamberangkon electoral roll-rango biming segatchina gita chatro chatrirangko didiangaha.
Ia program-ko ong·atanio North Garo Hills a·jani Additional Deputy Commissioner ZJ Sangma, Mendipathar College-ni Principal aro gipin official-rangba dongpae, election-ni kamrangni bidingo chatro chatrirangna agan-talate on·angaha.
