SHILLONG: Komorrah Limestone Mining Co Ltd (KLMC), uamangni Bangladesh-ona rong·chun ra·anganiko da·sikkarionin rang·gitik dontongaha ine Bangladesh-ni Assistant High Commissioner Dr Shah Mohammad Tanvir Monsur aganaha.
Bangladesh-ni dolsa delegation, Indiaona watatgipa uamangni Assistant High Commissioner Dr Shah Mohammad Tanvir Monsur-ni dilanio, Chief Minister Conrad K Sangma-ko grongeaha aro Bangladesh-ona rong·chun ra·angtaina gita dakchakaniko on·china mol·molangaha.
“Bangladesh Assistant High Commission-ni memborrang, uamangni Assistant High Commissioner Dr Shah Mohammad Tanvir Monsur-ni dilanichi mijalo angko grongeaha aro sima ari gita bading chiwalgrikani bidingo chanchirimaha ine Meghalaya Chief Minister Conrad K Sangma tweet ka·aha.
Koborni manderangna aganengon, Komorrah Limestone Mining Co Ltd (KLMC), da·sikkarionin rang·gitik uamangni Bangladesh-ona rong·chun badingataniko dontongaha ine Monsur aganaha.
Monsur-ni aganani gitade, Bangladesh-ni Chhatak Cement Factory Ltd-ona Meghalaya-oniko rong·chunrangko ra·angengachim. Meghalaya CM chingni aganako ma·sichakaha aro kamrangko seng·gnangen ka·atgen ine ka·dongenga, Monsur aganaha.
COVID-19 sabisi sajinmani a·sel, re·anggipa March 2020 bilsionin Bangladesh-ona rong·chun ra·anganiko dontongaha ine Bangladesh joint secretary Dr Nasim Ahmed aganaha.
