TURA: Sombar salo, National People’s Party (NPP) Dalu Block Committee-ni tom·aniko ong·atanio gital membor-rangkoba dolona rimnapjolangaha ine kobor on·aha.
NPP-o rimnapako man·gipa gital membor-rangoni saksade ia bilsini GHADC election-o Independent candidate ong·e susagipa Bartuish Momin ong·achim ineba kobor on·aha.
Sombar salo, NPP West Garo Hills District-ni president JD Sangma, Dalu-ona re·ange NPP Dalu Block Committee baksa dingtang dingtang kamrangni bidingo chanchirimangaha aro ia tom·anio ua Dalu-ni MLA Brening A Sangma baksa NPP-ona re·napbagipa gital membor-rangko rimchaksojolangaha.
