Urban Affairs Minister, SMB-ni mingsa online service-ko a·bachengate on·a

SHILLONG: Urban Affairs Minister Sniawbhalang Dhar da·al Shillong Municipal Board-ni mingsa Online Service-ko a·bachengate on·aha. Ia online service-o, Shillong municipal area-ni ning·o donggiparang water connection ba chi sale ra·ani, gam-jinna kajina gamani aro jawilwatrangna noksa ra·na permission ba bilko bi·ani, birth aro death certificate aro ugita gipin-rangna dorgastorangko on·ani pilakkon online gita man·gnok aro ian song-donggipa manderangna namen namgni ong·gnok ine Urban Affairs Minister aganaha.
Department, ia online service-ko ru·uta somoi-rangonin a·bachengatnade chanchiahachim ineba Dhar aganaha. Ia online service-ko a·bachengate on·anio, Urban Affairs department director, Gideon Kharmawphlang aro Chief Executive Officer, Batlang Sohliya-mangba dongpaaha. Unomitingo, 5th pay commission-ko on·china Shillong Municipal Employees Association (SMEA)-ni bimango jingjengate dabienggipa Shillong Municipal Board (SMB)-ni employee-rangko sorkarina adita somoirangko on·kuchina gita Meghalaya Urban Affairs department mol·molaniko dakangjolaha.