SHILLONG: Mijal Robibar attamni 7:00 bajimango, Jowai-ni Iew Thymmai bazar-ko wa·al kamaha.
Ia bazar-ko wa·al kamanio na·kam palgipa dokkanrangko man·chape gimik dam 15 dokkanrangko kamchapaha ine kobor on·timgiparang u·iataha.
Wa·al kamani ja·mano bakan Fire Service-na koborko on·ate wa·al kimitgipa garirangko ua biapona aganataha indiba ua somoio bewal dokkanrangkon wa·al kamsoaha.
Koborko on·ani gitade, na·kam palgipa dokkan damsani sambao donggipa cha dokkanoni wa·al kamchakatahakon ine official-rang chanchichipenga.
Wa·al kamaoni darangba saknaanirangkode man·jaha ine kobor on·aha.
