TURA: ICAR-Krishi Vigyan Kendra (KVK), West Garo Hills, mijalo game cha·giparangna Sangsanggre-o mingsa training programko ong·atangaha, jeon White Pekin do·gep bi·sarangko suale on·nangaha.
Program ong·atani somoio do·gep jile cha·ani gimin skie on·aha aro mang 150 White Pekin Ducklings ba do·gep bi·sarangko jile nichengchina suale on·angaha. Ia White Pekin-ko be·en cha·na jila, jean anti chetni gisepon kg 3 – 3.5 ong·aia.
Ia programo West Garo Hills-ni Aminda Simsang, Aminda Rangsa, Marapara, Dilnigre, Nengjabolchugre aro Walbakgre songni jile tike cha·giparang bakko ra·angaha.
