TURA: Adita salrangna skang, Tamil Nadu a·doko helicopter a·sel ong·e sianggipa General Bipin Rawat aro gipinrangna, Sukrobar attamo, Tura Don Bosco College-ni National Cadet Crops (NCC), dingtangmancha mombatirangko so·enba mande ra·pilskaaniko dakangaha.
Helicopter a·sel ong·anio sianggipa General Bipin Rawat aro gipinrangna mombati so·e mande ra·pilskaaniko Don Bosco College-o dakangengon, sianggimin janggirangna dingtangmancha jinma bi·chakanirangkoba dakangaha.
Mande ra·pilskaani aro bi·aniko NCC CTO Bravewell Mawthoh aro CTO Cherimchi T Sangma dilangaha aro uamang dikdiksana jrip donge, sianggimin janggirangna bi·chakangaha.
