SHILLONG: 1971 bilsio Pakistan-ni kosako Indiani dakgrike cheani bilsi 50 gapaniko gisik ra·enba BSF, uamangni Bangladesh-ni ka·rimska BGB baksa bakrimenba December 13 tariko Meghalayao mingsa cultural programme-ko ong·atanggen ine official saksa Sonibaro parakataha.
“Mukti Yoddhas” ba jakgitelna dakgrikgipa matgrikrangko, itihas tarigiparangko aro niksenggipa aganrakgiparangko a·song damgnionikon cultural programme-ona okamgen, je programkon Bangladesh sima ariogipa Integrated Check Post (ICP), Dawki-o ong·atanggen.
‘‘1971-o dakgrikanichi Bangladesh atchina man·aha. “1971 bilsio Bangladesh-ni jakgitelanina dakgrikanio BSF, Indian Army baksa bakrime dakgrika a·bachengaonin mongsonggipa ong·e dakchakaha” ine Meghalaya BSF Frontier Inspector General Inderjeet Singh Rana aganaha.
BSF IG indakeba aganaha je Pakistani Army-ni kosako dakgrikchakna gita India, “Mukti Yoddhas”-na dakchakani, training aro ma·chakanirangko on·aha.
BSF-ni aganani gitade, March 19, 1972-o, India–Bangladesh Treaty of Friendship, Cooperation and Peace-na soi ka·aniko dakani ja·mano India aro Bangladesh a·song damgnini gisepo bakrimani bilakbataha.
Ia pact ba soi ka·grikanikon Indira–Mujib Treaty ineba mingaha, jeon India aro Bangladesh prime minister-rang, Indira Gandhi aro Sheikh Mujibur Rahman mang soi ka·ahachim. India aro Bangladesh, km 4096 bakroe sima arigrika, je biaprangkon BSF aro Border Guard Bangladesh (BGB) paltangtang gita nirok simsakanirangko dakenga.
1971-o dakgrike cheaniko gisik ra·na BSF, BGB cultural show-ko ong·atanggen
Date:
Share post: